ກຳເນີດບາບທາໂກປີ້

ກຳເນີດບາບທາໂກປີ້
ຊື່	ກຳເນີດບາບທາໂກປີ້
ຊື່ພາສາຍີ່ປຸ່ນ	タコピーの原罪
ໂຣມາຈິ	Takopī no Genzai
ປະເພດ	ດິສໂທເປຍ ສະຫຍອງຂວັນ ບັນເທີງຄະດີວິທະຍາສາດ
ຜູ້ສ້າງ	ໄທຊັງ 5
ມັງງະ
ຂຽນໂດຍ	ໄທຊັງ 5
ສຳນັກພິມ	ຊູເອຊະ
ໃນເຄືອ	ຈັມປ໌ ຄອມມິກສ໌+
ນິດຕະຍະສານ	ໂຊເນັງ ຈັມປ໌+
ກຸ່ມເປົ້າໝາຍ	ໂຊເນັງ
ວາງຈຳໜ່າຍຕັ້ງແຕ່	ທີ 10 ທັນວາປີ 2021 – ທີ 25 ມີນາປີ 2022
ຈຳນວນເຫຼັ້ມ	2
ໂອເອັນເອ
ກຳກັບໂດຍ	ຊິນຢະ ອິໂນະ
ຂຽນບົດໂດຍ	ຊິນຢະ ອິໂນະ
ດົນຕີໂດຍ	ໂຢຊິອາກິ ຟູຈິຊາວະ
ສະຕູດີໂອ	ເອນິຊິຢະ
ຖືລິຂະສິດໂດຍ	SA/SEA: ມີເດຍລິງຄ໌
ສາຍ	ທີ 28 ມິຖຸນາປີ 2025 – ປັດຈຸບັນ
ຕອນ	6

ກຳເນີດບາບທາໂກປີ້ (ຍີ່ປຸ່ນ: タコピーの原罪, ໄທ: กำเนิดบาปทาโกปี้) ແມ່ນຊຸດເວັບມັງງະຍີ່ປຸ່ນທີ່ແຕ່ງແລະແຕ້ມໂດຍ ໄທຊັງ 5 ເຜີຍແຜ່ທາງເວັບ ໂຊເນັງຈັມປ໌+ ຂອງສຳນັກພິມຊູເອຊະຕັ້ງແຕ່ວັນທີ 10 ເດືອນທັນວາປີ 2021 ຮອດ ທີ 25 ມີນາປີ 2022 ຕີພິມເປັນປຶ້ມມັງງະລວມເຫຼັ້ມ (ທັງໂກບົງ) ທັງໝົດ 2 ເຫຼັ້ມ. ມີອໍຣິຈິນັລເນັດແອນິເມຊັ້ນທີ່ຜະລິດໂດຍ ເອນິຊິຢະ ເລີ່ມອອກອາກາດໃນວັນທີ 28 ມິຖິນາປີ 2025 ຜ່ານຊ່ອງທາງສຕຣີ້ມມິງຕ່າງໆ.

ໂຄງເລື່ອງ

ໃນປີ 2016 ນິນຸອະນູເຄເອຟ ມະນຸດຕ່າງດາວຈາກດາວແຮັບປີ້ ໄດ້ມາຮອດໂລກໂດຍມີຈຸດໝາຍຄືການເຜີຍແຜ່ຄວາມສຸກໃຫ້ຄົນອື່ນໆ. ຫຼັງໜີຈາກການໄລ່ລ່າຂອງທາງລັດຖະບານ ລາວໄດ້ພົບກັບຊິຊຶກະ ເດັກຜູ້ຍິງເກົ້າປີທີ່ຖືກມາຣິນະ ຜູ້ເປັນໝູ່ຮ່ວມຫ້ອງກັ່ນແກ້ງຕະຫຼອດ ແລະມີພຽງໝາຂອງລາວຊື່ຊັບປີ້ເທົ່ານັ້ນເປັນໝູ່. ຊິຊຶກະຕັ້ງຊື່ໃຫ້ມະນຸດຕ່າງດາວວ່າ ທາໂກປີ້ ຍ້ອນລາວມີຮູບຮ່າງຄືກັບປາໝຶກ. ທາໂກປີ້ຕັດສິນໃຈໃຊ້ ເຄື່ອງວິເສດແຫ່ງຄວາມສຸກ ຈາກດາວຂອງຕົນເພື່ອຊ່ວຍຊິຊຶກະ ແຕ່ຫຼັງຈາກທີ່ມາຣິນະຈົງໃຈເຮັດໃຫ້ຊັບປີ້ກັດໂຕເອງ ເພື່ອໃຫ້ມັນຖືກເຈົ້າໜ້າທີ່ຈັບໄປສູນຂ້າຖິ້ມ ຊິຊຶກະກໍໃຊ້ເຄື່ອງວິເສດຂອງທາໂກປີ້ຂ້າຕົວຕາຍ, ເມື່ອທາໂກປີ້ຮັບຮູ້ເຖິງຄວາມຮ້າຍແຮງຂອງສະຖານະການ ລາວກໍໃຊ້ເຄື່ອງວິເສດອີກອັນໜຶ່ງໃນການຍ້ອນເວລາກັບໄປ ຫວັງວ່າຈະສາມາດປ່ຽນແປງຊີວິດຂອງຊິຊຶກະໃຫ້ດີຂຶ້ນໄດ້.