ເພງຊາດລາວ
ເພງຊາດລາວ ແຕ່ງທຳນອງແລະເນື້ອຮ້ອງສະບັບທຳອິດໂດຍທ່ານ ດຣ. ທອງດີ ສຸນທອນວຶຈິດ (1905-1968) ເມື່ອປີ 1941, ໄດ້ນຳໃຊ້ເປັນເພງຊາດລາວສະໄຫມພະຣາຊະອານາຈັກລາວເມື່ອປີ 1947. ພາຍຫລັງປະເທດລາວປ່ຽນການປົກຄອງເປັນສາທາລະນະລັດ ປະຊາທິປະໄຕ ປະຊາຊົນລາວໃນວັນທີ່ 2 ທັນວາ 1975 ແລ້ວ, ໄດ້ມີການປ່ຽນເອາເນື້ອຮ້ອງຂອງທ່ານສີຊະນະ ສີສານ ມາໃຊ້ ແຕ່ກໍ່ມີການດັດແປງເນື້ອຮ້ອງບາງທ່ອນໃຫ້ເຂົ້າກັບສະຖານະການໃນປີ 1988 ຕາມທີ່ກຳນົດໄວ້ໃນ ໝວດທີ່ X ມາດຕາ 92 ໃນ ລັດຖະທຳມະນູນ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ.
ເນື້ອໃນ |
[ດັດແກ້] ເນື້ອຮ້ອງ
[ດັດແກ້] ສະບັບປັດຈຸບັນ (ສປປ.ລາວ)
ຊາດລາວຕັ້ງແຕ່ໃດມາ ລາວທຸກຖ້ວນຫນ້າເຊີດຊູສຸດໃຈ
ຮ່ວມແຮງຮ່ວມຈິດຮ່ວມໃຈ ສາມັກຄີກັນເປັນກຳລັງດຽວ
ເດັດດ່ຽວພ້ອມກັນກ້າວຫນ້າ ບູຊາຊູກຽດຂອງລາວ
ສົ່ງເສີມໃຊ້ສິດເປັນເຈົ້າ ລາວທຸກຊົນເຜົ່າສະເໝີພາບກັນ
ບໍ່ໃຫ້ພວກຈັກກະພັດ ແລະພວກຂາຍຊາດເຂົ້າມາລົບກວນ
ລາວທັງມວນຊູເອກະລາດ ອິດສະລະພາບຂອງຊາດລາວໄວ້
ຕັດສິນໃຈສູ້ຊິງເອົາໄຊ ພາຊາດລາວໄປສູ່ຄວາມວັດທະນາ
[ດັດແກ້] ສະບັບປີ 1947 (ຣາຊອານາຈັກລາວ)
ຊາດລາວຕັ້ງແຕ່ເດີມມາ ຂື້ນຊື່ລືຊາຢູ່ໃນອາຊີ
ຊາວລາວຜູກພັນໄມຕຼີ ຮ່ວມສາມັກຄີຮັກຫໍ່ໂຮມກັນ
ຮັກຊາດຮັກປະເທດເຮົາ ຮັກເຈົ້າປົກເກດເກສາ
ໂຮມຮັກຮ່ວມສາສນາ ແຕ່ບູຮານມາຮັກສາດິນແດນ
ບໍ່ໃຫ້ຊາດໃດມາລວນ ຮາວີຮົບກວນຍາດແຍ່ງຊີງເອົາ
ໃຜຂືນເຂົ້າມາລູ່ວຸ່ນວາຍ ສູ້ຈົນຕົວຕາຍຕ້ານທານສັດຕຼູ
ຊ່ວຍເຊີດຊູເລືອດເນື້ອເຊື້ອເຜົ່າ ຟື້ນຟູກູ້ເອົາບັນເທົາທຸກກັນ
