ເຈົ້າສີສະຫວ່າງວັດທະນາ
ພະບາດສົມເດັດພະເຈົ້າເຊດຖາຂັດຕິຍະວົງສາ ພະມະຫາສີສະຫວ່າງວັດທະນາ (ພຣະບາທສົມເດັຈພຣະເຈົ້າສີສວ່າງວັທນາ) ເຈົ້າມະຫາຊີວິດສີສະຫວ່າງວັດທະນາ ຊົງເປັນພະມະຫາກະສັດອົງສຸດທ້າຍແຫ່ງລາຊະອານາຈັກລາວ ກ່ອນທີ່ຈະຖືກຝ່າຍປະເທດລາວ ຍຶດອຳນາດປ່ຽນແປງການປົກຄອງ ເປັນ ສາທາລະນະລັດ ປະຊາທິປະໄຕ ປະຊາຊົນລາວ ໃນ ຄ.ສ 1975 ສະເດັດພະລາຊະສົມພົບເມື່ອວັນທີ່ 13 ພະຈິກ ຄ.ສ 1907 ໂດຍຊົງເປັນພະລາຊະໂອລົດ ໃນ ເຈົ້າມະຫາຊີວິດສີສະຫວ່າງວົງ ກັບ ສົມເດັດພະລາຊິນີອັກຄະລະມະເຫສີຄຳອຸ່ນ. ພະອົງອະພິເສກ ກັບ ພະລາຊີນີເຈົ້າຟ້າຄຳຜຸຍ ເມື່ອວັນທີ່ 7 ສິງຫາ ຄ.ສ 1930 ຊົງມີພະລາຊະໂອລົດທິດາລວມ 7 ພະອົງ ຄື:
- ເຈົ້າຟ້າຊາຍມົງກຸດລາຊະກຸມານວົງສະຫວ່າງ (Crown Prince Vong Savang, 27 ກັນຍາ ຄ.ສ 1931 - ມັງກອນ ຄ.ສ 1980)
- ເຈົ້າຟ້າຊາຍສີສະຫວ່າງ (Prince Sisavang Savang, ທັນວາ ຄ.ສ 1935 - ຄ. ສ 1978)
- ເຈົ້າຟ້າຊາຍສະຫວ່າງ (Prince Savang)
- ເຈົ້າຟ້າຊາຍໂສຍະວົງ (Prince Sauryavong Savang, 22 ມັງກອນ ຄ.ສ 1937)
- ເຈົ້າຟ້າຍິງສະຫວີວັນ (Princess Savivanh Savang, ຄ.ສ 1933 - 4 ມັງກອນ ຄ.ສ 2007)
- ເຈົ້າຟ້າຍິງທາລາ (Princess Thala Savang, 10 ມັງກອນ ຄ.ສ 1935 - 14 ເມສາ ຄ.ສ 2006)
26 ພະຈິກ ຄ.ສ 1975 ພະເຈົ້າມະຫາຊີວິດສີສະຫວ່າງວັດທະນາ ຊົງສະລະລາຊະບັນລັງ ກ່ອນການສະຖາປະນາ ສປປລາວ 1 ອາທິດ ຫລັງຈາກນັ້ນພະອົງ ຍັງຄົງປະທັບ ທີ່ພະລາຊະວັັງຫລວງພະບາງຕາມເດີມ ຈົນກະທັ້ງ ຄ.ສ 1977 ພະອົງຖືກລັດຖະບານລາວ ສົ່ງຕົວໄປທີ່ຄ້າຍສຳມະນາ ທີ່ເມືອງວຽງໄຊ ພ້ອມກັບພະລາຊະວົງ ດ້ວຍຂໍ້ຫາວ່າຊົງກ່ຽວຂ້ອງກັບພວກ "ປະຕິການ" ຫລື ພວກປະຕິກິລິຍາ ແລະ ສະເດັດສະຫວັນນາຄົດ ເມື່ອປະມານ ຄ.ສ 1978 ຫລື ຄ.ສ 1984 ໃນເລື່ອງນີ້ລັດຖະບານ ສປປລາວ ບໍ່ເຄີຍເປີດເຜີຍ ເລື່ອງການສະຫວັນນາຄົດ ຂອງພະອົງແຕ່ປະການໃດເລຍ.
