ສາມຫຼ່ຽມຄຳ

ຈາກ ວິກິພີເດຍ

ສາມຫຼຽມຄຳ (Golden triangle)ແມ່ນໝາຍເຖິງຮອຍຕໍ່ລະຫວ່າງສາມປະເທດໄດ້ແກ່: ແຂວງບໍ່ແກ້ວ (ສ.ປ.ປລາວ), ຈັງຫວັດຊຽງຣາຍ(ຣາຊາອະນາຈັກໄທ)ແລະ ແຂວງທ່າຂີ້ເຫຼັກ(ສະຫະພາບມຽນມາ) ມີລັກສະນະເປັນພື້ນທີ່ສາມຫຼ່ຽມຕໍ່ໃສ່ກັນ ໂດຍມີແມ່ນຳຂອງຕັດຜ່ານແດນໄທ-ລາວ ແລະ ນ້ຳຣວກຕັດຜ່ານແດນໄທ-ມຽນມາ. ບໍລິເວນດັ່ງກ່າວຍັງເປັນບ່ອນທີ່ນ້ຳຣວກ ແລະ ແມ່ນຳ້ຂອງໄຫຼຕໍ່ໃສ່ກັນ ຫຼື ເອີ້ນວ່າ ສົບຣວກ ບໍລິເວນນີ້ເຄີຍມີການຄ້າຢາຝິ່ນ ໂດຍແລກກັບຄຳ ມີທິວທັດທີ່ສວຍງາມ,ໂດຍສະເພາະຕອນເຊົ້າ ທີ່ມີຕາເວັນຂື້ນ ແລະ ມີນ້ຳໝອກ. ໃນເມື່ອກ່ອນສາມຫຼຽມຄຳເປັນທີ່ຮູ້ຈັກໃນຖານະເປັນແຫຼ່ງທ່ອງທ່ຽວຮອຍຕໍ່ລະຫວ່າງປະເທດ ແຕ່ໃນປັດຈຸບັນມີຄວາມສຳຄັນທາງດ້ານເສດຖະກິດຫຼາຍຂື້ນ ເນື່ອງຈາກເປັນບ່ອນຂົນຖ່າຍສີນ ຄ້າທີ່ສຳຄັນຂອງລາວ ທີ່ທ່າເຮືອບ້ານມອມ. ນັກທ່ອງທ່ຽວມັກຈະເດີນທາງມາທີ່ເຂດສາມຫຼ່ຽມຄຳໃນຊ່ວງລະດູໜາວ ແລະ ນອກຈາກນີ້ກໍນິຍົມນັ່ງເຮືອທ່ຽວຊົມທິວທັດແມ່ນ້ຳຂອງ ແລະ ນ້ຳຣວກໄຫຼຕໍ່ໃສ່ກັນ.ນອກຈາກນີ້ຍັງສາມາດຂີ່ເຮືອໄປທ່ຽວປະເທດຈີນເຊັ່ນ:ສິບສອງປັນນາ,ຄຸນມິງ.