ມະຫາວິທະຍາໄລແຫ່ງຊາດລາວ

ຈາກ ວິກິພີເດຍ
Wiki letter w.svg ກະລຸນາຊ່ວຍ ປັບປຸງ ບົດຄວາມ ຫຼື ພາກນີ້ ໂດຍ ການຂະຫຍາຍມັນອອກຕື່ມ.
ການສົນທະນາກັນ ອາດຈະມີ ຢູ່ ໜ້າສົນທະນາ ຫຼື ຢູ່ ຂໍໃຫ້ຂະຫຍາຍ.
ມະຫາວິທະຍາໄລແຫ່ງຊາດ

ຊື່ພາສາລາແຕງ: National University of Laos
ວັນສ້າງຕັ້ງ: 5 ພະຈິກ 1996
ປະເພດ: ລັດຖະບານ
ອະທິການບໍດີ: ທ່ານ ຮສ. ສຸກກົງແສງ ໄຊຍະເລີດ
ຄະນະວິຊາ: ?
ພະນັກງານ: 1,986
ນັກສຶກສາ: 26,673
ປະລິນຍາຕຣີ: ?
ປະລິນຍາໂທ: ?
ດອກເຕີຣ໌: ?
ສະຖານທີ່: ນະຄອນຫຼວງວຽງຈັນ, ປະເທດລາວ
ວິທະຍາເຂດ: 7 ວິທະຍາເຂດ
ສີໂຮງຮຽນ: ?
ຊື່ເຫລັ້ນ: ມ.ຊ. ຫລື NUOL
ສັດນໍາໂຊກ: ?
Affiliations: AUN, AUN-SEED-NET, AUF, GMSARN
ເວັບໄຊຕ໌: www.nuol.edu.la

ມະຫາວິທະຍາໄລແຫ່ງຊາດລາວ (ຄຳເຄົ້າ: ມຫາວິທຍາລັຍແຫ່ງຊາຕລາວ[໑], National University of Laos) ຊື່ຫຍໍ້ ມ.ຊ ຫຼື NUOL ແມ່ນມະຫາວິທະຍາໄລແຫ່ງນຶ່ງໃນປະເທດລາວ.

ປະຫວັດ[ດັດແກ້]

ມະຫາວິທະຍາໄລແຫ່ງຊາດ ໂດຍຊື່ຫຍໍ້ ເອີ້ນວ່າ:"ມຊ"ນີ້ ເປັນມະຫາວິທະຍາໄລ ເຕັມຮູບແບບ ແຫ່ງທຳອິດ ໃນປະຫວັດສາດຂອງຊາດລາວ ໂດຍໄດ້ຮັບການສ້າງຕັ້ງ ຂື້ນໃນວັນທີ 5 ພະຈິກ 1996 ຕາມດຳລັດຂອງນາຍົກລັດຖະມົນຕີສະບັບເລກທີ 50/ນຍ,ລົງວັນທີ 09/06/1995, ໂດຍການເຕົ້າໂຮມເອົາບັນດາສະຖາບັນ ການສຶກສາຊັ້ນສູງ, ເຊີ່ງເມື່ອກ່ອນ ແມ່ນຂື້ນກັບ ຫຼາຍກະຊວງ ເຂົ້າເປັນ ມະຫາວິທະຍາໄລເອກະພາບ. ບັນດາສະຖາບັນດັ່ງກ່າວ ປະກອບດ້ວຍ 10 ສະຖາບັນຄື: ມະຫາວິທະຍາໄລສ້າງຄູ ວຽງຈັນ, ມະຫາວິທະຍາໄລ ສັບພະວິຊາ 2 ທັນວາ, ມະຫາວິທະຍາໄລ ວິທະຍາສາດສາທາລະນະສຸກ, ໂຮງຮຽນກະເສດຊັ້ນສູງ ນາບົງ, ໂຮງຮຽນປ່າໄມ້ຊັ້ນສູງ ດົງໂດກ, ໂຮງຮຽນ ຊົນລະປະທານ ຊັ້ນສູງຕາດທອງ, ໂຮງຮຽນ ກໍ່ສ້າງເຄຫະສະຖານ ຊັ້ນສູງ, ໂຮງຮຽນ ຄົມມະນາຄົມຂົນສົ່ງ ຊັ້ນສູງ, ໂຮງຮຽນ ການຊ່າງ ຊັ້ນສູງໄຟຟ້າເອເລັກໂຕຣນິກ ແລະ ສູນກຽມ ສ້າງຕັ້ງ ມະຫາວິທະຍາໄລກະສິກຳ-ປ່າໄມ້ ເວີນຄຳ. ນັບແຕ່ ການເຕົ້າໂຮມເປັນມະຫາວິທະຍາໄລແຫ່ງຊາດແລ້ວ, ກໍ່ໄດ້ເລີ່ມດຳເນີນ ວຽກການຮຽນ-ການສອນ ຢ່າງເປັນລະບົບ, ໂດຍໃນເບື້ອງຕົ້ນ ປະກອບມີພຽງ 7 ຄະນະວິຊາ ແລະ ວິທະຍາໄລວິທະຍາສາດພື້ນຖານ ສຳລັບ ກຽມນັກສືກສາເຂົ້າສາຍຮຽນ ແລະ ໄປຮຽນຕ່າງປະເທດ ເທົ່ານັ້ນ. ແຕ່ວ່າ ເພື່ອຕອບສະໜອງຕາມຄວາມຮຽກຮ້ອງຕ້ອງການຂອງ ເສດຖະກິດໃນສະໄໝໃໝ່, ໃນປັດຈຸບັນ ມະຫາວິທະຍາໄລແຫ່ງຊາດ ໄດ້ເພີ່ມຂື້ນເປັນ 11 ຄະນະວິຊາ, 2 ສະຖາບັນ, 1 ຫໍສະໝຸດກາງ, 5 ສູນ, 10 ຫ້ອງການ, ໂຮງໝໍ, ໂຮງຮຽນພອນສະຫວັນ ແລະ ຊົ່ນເຜົ່າກຽມ ມະຫາວິທະຍາໄລ.

ວິໄລທັດ ແລະ ພາລະບົດບາດ

1. ວິໄສທັດ

ມະຫາວິທະຍາໄລແຫ່ງຊາດລາວ ຈະກາຍເປັນມະຫາວິທະຍາໄລນຳໜ້າຂອງ ສ.ປ.ປ.ລາວ ເປັນໃຈກາງທາງດ້ານການສຶກສາ, ວັດທະນະທຳ ແລະ ການວິໄຈ ທີ່ມີຄຸນະພາບສູງ, ເພື່ອພັດທະນາຊັບພະຍາກອນມະນຸດທີ່ມີຄຸນະພາບຕອບສະໜອງຄວາມຮຽກຮ້ອງຕ້ອງການ ຂອງການພັດທະນາເສດຖະກິດ - ສັງຄົມ ຂອງຊາດ ແລະ ການເຊື່ອມໂຍງເຂົ້າກັບພາກພື້ນ ແລະ ສາກົນ.

2. ພາລະບົດບາດ

ສະໜອງການສຶກສາຊັ້ນສູງ ລະດັບອານຸປະລິນຍາຕີ, ປະລິນຍາຕີ ແລະ ເໜືອປະລີນຍາຕີ ເພື່ອກໍ່ສ້າງ ແລະ ພັດທະນາຊັບພະຍາກອນມະນຸດໃນສາຂາ ວິຊາຕ່າງໆ ຕອບສະໜອງໄດ້ທັງປະລິມານ ແລະ ຄຸນະພາບໃຫ້ແກ່ສັງຄົມ. ຈັດຕັ້ງການຄົ້ນຄ້ວາວິທະຍາສາດສາຂາຕ່າງໆພ້ອມທັງເຜີຍແຜ່ຜົນຂອງການຄົ້ນຄ້ວາວິທະຍາສາດທີ່ມີຜົນປະໂຫຍດແກ່ການພັດທະນາເສດຖະກິດ -ສັງຄົມ. ປົກປັກຮັກສາ ແລະ ເສີມຂະຫຍາຍສິລະປະ, ວັດທະນະທຳ ແລະ ຮີດຄອງປະເພນີອັນດີງາມຂອງຊາດຂອງປະຊາຊົນ ບັນດາເຜົ່າຄຽງຄູ່ໄປກັບການ ສຶກສາຮຽນຮູ້ແລກປ່ຽນ ແລະ ຮັບເອົາວັດທະນະທຳສາກົນຢ່າງມີການເລືອກເຟັ້ນ. ຈັດຕັ້ງການບໍລິການທາງດ້ານວິຊາການແກ່ສັງຄົມ.

ວິທະຍາເຂດ[ດັດແກ້]

  • ວິທະຍາເຂດ ດົງໂດກ
  • ວິທະຍາເຂດ ໂສກປ່າຫລວງ (ຄະນະວິສະວະກຳສາດ)
  • ວິທະຍາເຂດ ນາບົງ (ຄະນະກະເສດສາດ)
  • ວິທະຍາເຂດ ຕາດທອງ (ຄະນະຄົມມະນາຄົມ)
  • ວິທະຍາເຂດ ດອນກອຍ (ຄະນະນິຕິສາດ-ລັດຖະສາດ)

ຈຳນວນພາກວິຊາຮຽນ[ດັດແກ້]

  • ຄະນະປ່າໄມ້
  • ຄະນະສຶກສາສາດ
  • ຄະນະວິທະຍາສາດສັງຄົມ
  • ຄະນະວິທະຍາສາດທຳມະຊາດ
  • ຄະນະອັກສອນສາດ
  • ຄະນະເສດຖະສາດ ແລະ ບໍລິຫານທຸລະກິດ
  • ຄະນະກະເສດສາດ
  • ຄະນະນິຕິສາດ ແລະ ລັດຖະສາດ
  • ຄະນະວິທະຍາສາດການແພດ
  • ຄະນະວິສະວະກຳສາດ
  • ຄະນະສະຖາປັດຕະຍະກຳສາດ
  • ຄະນະວິທະຍາສາດ ສິ່ງແວດລ້ວມ

ອ້າງອີງ[ດັດແກ້]

  1. ສົມຈິຕ ພັນລັກ. (2012) ພາສາລາວລ້ານຊ້າງ ກ່ອນປີ ພ.ສ 2478; ຄ.ສ 1935 ສະບັບຄົ້ນຄວ້າ. ສົມມະນາ ການພິມ ສປປ ລາວ.

1. ຂໍ້ມູນຈາກ ເວັບໄຊ້ຂອງ ມະຫາວິທະຍາໄລແຫ່ງຊາດ

ລິ້ງຄ໌ພາຍນອກ[ດັດແກ້]

ມະຫາວິທະຍາໄລແຫ່ງຊາດ