ຍິ່ງລັກ ຊິນນະວັດ
| ພະນະທ່ານ ຍິ່ງລັກ ຊິນນະວັດ ມ.ປ.ຊ., ມ.ວ.ມ. | |
|---|---|
.jpg) | |
| ຊື່ຈິງ | ยิ่งลักษณ์ ชินวัตร |
| ເກີດ | 21 ມິຖຸນາ ຄ.ສ. 1967 ອຳເພີສັນກຳແພງ ຈັງຫວັດຊຽງໃໝ່ ປະເທດໄທ |
| ທີ່ຢູ່ປັດຈຸບັນ | ດູໄບ |
| ສັນຊາດ |  ໄທ ແຊັກບີ (2019–ປັດຈຸບັນ) |
| ຊື່ອື່ນ | ປູ |
| ຊາດພັນ | ໄທເຊື້ອສາຍຈີນ |
| ການສຶກສາ | ມະຫາວິທະຍາໄລຊຽງໃໝ່ ມະຫາວິທະຍາໄລລັດເຄນທັກກີ |
| ຈົບຈາກ | ໂຮງຮຽນເຣຍີນາເຊລີວິທະຍາໄລ ໂຮງຮຽນຍຸພະລາດວິທະຍາໄລ |
| ອາຊີບ | ນັກທຸລະກິດ ນັກການເມືອງ |
| ເປັນທີ່ຮູ້ຈັກຈາກ | ອະດີດນາຍົກລັດຖະມົນຕີໄທ |
| ບ້ານເດີມ | ຈັງຫວັດຊຽງໃໝ່ |
| ສິນຊັບສຸດທິ | 5.79 ກື້ບາດ |
ພັກການເມືອງ | ພັກເພື່ອໄທ (2011–ປັດຈຸບັນ) |
| ສາດສະໜາ | ພຸດ |
| ນິກາຍ | ເຖຣະວາດ |
| ຄູ່ຮັກ | ອະນຸສອນ ອະມອນຊັດ (ດອງ 1995) |
| ບຸດ | ສຸພະເສກ ອະມອນຊັດ |
| ບິດາມາຣດາ | ເລີດ ຊິນນະວັດ ຍິນດີ ຊິນນະວັດ |
| ຍາດ | ເຍົາວະເຣດ ຊິນນະວັດ (ເອື້ອຍ)
ພາຍັບ ຊິນນະວັດ (ອ້າຍ) |
| ລາຍເຊັນ | |
 | |
ຍິ່ງລັກ ຊິນນະວັດ (ໄທ: ยิ่งลักษณ์ ชินวัตร, ຍິ່ງລັກສນ໌ ຊິນວັຕຣ; ເກີດ 21 ມິຖຸນາ ຄ.ສ. 1967) ແມ່ນນັກມຸລະກິດແລະນັກການເມືອງຊາວໄທ ນາຍົກລັດຖະມົນຕີໄທຄົນທີ 28 ແລະນາຍົກລັດຖະມົນຕີຢິງຄົນທຳອິດຂອງປະເທດໄທ ດ້ວຍໄວ 44 ປີ ຖືເປັນນາຍົກລັດຖະນົນຕີທີ່ອາຍຸນ້ອຍທີ່ສຸດໃນຮອບກວ່າ 60 ປີ ນອກຈາກນີ້ຍັງເປັນລັດຖະມົນຕີວ່າການກະຊວງກະລາໂຫມ ສະມາຊິກສະພາຜູ້ແທນລາຊະດອນສັງກັດພັກເພື່ອໄທ ກຳມະການແລະເລຂານຸການມູລນິທິໄທຄົມ
ທ່ານນາງຍິ່ງລັກເກີດທີ່ອຳເພີສັນກຳແພງ ຈັງຫວັດຊຽງໃໝ່ ສຳເຫຼັດການສຶກສາປະລິນຍາຕີຈາກມະຫາວິທະຍາໄລຊຽງໃໝ່ ແລະປະລິນຍາໂທຈາກມະຫາວິທະຍາໄລລັດເຄນທັກກີ ຕໍ່ມາເປັນຜູ້ບໍລິຫານໃນທຸລະກິດທີ່ທ່ານທັກສິນ ຊິນນະວັດ ນາຍົກລົດຖະມົນຕີໄທຄົນທີ 23 ຜູ້ເປັນອ້າຍ ສ້າງຕັ້ງຂຶ້ນ ພາຍຫຼັງທ່ານນາງຍິ່ງລັກໄດ້ເປັນປະທານບໍລິສັດ ເອສຊີ ແອສເສທ ຄອຣ໌ປອເຣຊັ່ນ ຈຳກັດ (ມະຫາຊົນ) ແລະປະທານກຳມະການບໍລິຫານບໍລິສັດ ແອດວານຊ໌ ອິນໂຟຣ໌ ເຊອຣ໌ວິສ ຈຳກັດ (ມະຫາຊົນ)
ໃນຊ່ວງກາງເດືອນພຶດສະພາຄົມ ຄ.ສ. 2011 ພັກເພື່ອໄທຊຶ່ງມີຄວາມສັມພັນໃກ້ຊິດກັບທ່ານທັກສິນ ສະເໜອຊື່ທ່ານນາງຍິ່ງລັກເຂົ້າຊິງຕຳແໜ່ງນາຍົກລັດຖະມົນຕີໃນການເລືອກຕັ້ງທັ່ວໄປ ຜົນປາກົດວ່າ ພັກເພື່ອໄທໄດ້ຜູ້ແທນລາຊະດອນ 265 ທີ່ນັ່ງ ນັບເປັນຄັ້ງທີສອງໃນປະຫວັດສາດໄທທີ່ພັກການເມືອງດຽວຄອງສຽງຂ້າງມາກໃນສະພາ ຈາກນັ້ນທ່ານນາງຍິ່ງລັກໄດ້ຮັບເລືອກຈາກສະພາຜູ້ແທນລາຊະດອນເມື່ອວັນທີ 5 ສິງຫາ ຄ.ສ. 2011 ໃຫ້ດຳລົງຕຳແໜ່ງນາຍົກລັດຖະມົນຕີສືບຕໍ່ຈາກທ່ານອະພິສິດ ເວດຊາຊີວະ ແລະມີພະບໍລົມລາຊະໂອງການແຕ່ງຕັ້ງໃນວັນທີ 8 ສິງຫາ ຄ.ສ. 2011
ທ່ານນາງຍິ່ງລັກ ພົ້ນຈາກຕຳແໜ່ງດ້ວຍການຍຸບສະພາຜູ້ແທນລາຊະດອນເມື່ອວັນທີ 9 ທັນວາ ຄ.ສ. 2013 ແລະຮັກສາການໃນຕຳແໜ່ງນາຍົກລັດຖະມົນຕີ ຈົນກະທັ່ງສານລັດຖະທຳມະນູນວິນິດໄສໃຫ້ພົ້ນຈາກຕຳແໜ່ງຮັກສາການໃນວັນທີ 7 ພຶດສະພາ ຄ.ສ. 2014 ເນື່ອງຈາກການຍ້າຍທ່ານຖະຫວິນ ປ່ຽນສີ ຈາກຕຳແໜ່ງເລຂາທິການສະພາຄວາມມັ່ນຄົງແຫ່ງຊາດ
ປະຫວັດຄວາມເປັນມາ[ດັດແກ້]
ວັນເດືອນປີເກີດ: 21 ມິຖຸນາ 1967 ສະຖານທີ່ເກີດ: ທີ່ ຈັງຫວັດຊຽງໃໝ່ ສະຖານະພາບຄອບຄົວ: ແຕ່ງງານ
ການສຶກສາ[ດັດແກ້]
- 1988 ປະລິນຍາຕີ ສາຂາລັດຖະສາດ ທີ່ມະຫາວິທະຍາໄລ ຊຽງໃຫມ່
- 1990 ປະລິນຍາໂທ ສາຂາບໍລິຫານ ທີ່ມະຫາວິທະຍາໄລ ເຄັນຕັກກີ ອາເມລິກາ
ການເຮັດວຽກ[ດັດແກ້]
- 1993 ຜູ້ອຳນວຍການຝ່າຍຜະລິດ ບໍລິສັດ ຊິນນະວັດ ໄດເຣກຕໍຣີ ຈຳກັດ
- 1994 ຜູ້ຈັດການທົ່ວໄປ ບໍລິສັດ ເຣນໂບ ມີເດຍ ຈຳກັດ
- 1995 ຜູ້ຈັດການທົ່ວໄປ ບໍລິສັດ ຊິນນະວັດ ໄດເຣກຕໍຣີ ຈຳກັດ
- 1997 ຮອງປະທານ ບໍລິສັດ ຊິນນະວັດ ໄດເຣກຕໍຣີ ຈຳກັດ
- 1999 ກຳມະການ ຜູ້ອຳນວຍການ- ສາຍງານປະຕິບັດການສິນຄ້າ ແລະ ບໍລິການ ບໍລິສັດ ແອດວັນ ອິນໂຟ ເຊີວິດ ຈຳກັດ (ມະຫາຊົນ).
- 2001 ກຳມະການຜູ້ອຳນວຍການ ອາວຸໂສ- ສາຍງານການວາງແຜນທຸລະກິດ ໂທລະຄົມມະນາຄົມ ອິນໂຟ ເຊີວິດ ຈຳກັດ (ມະຫາຊົນ)
- 2002 ປະທານ ບໍລິສັດ ແອດວັນ ອິນໂຟ ເຊີວິດ ຈຳກັດ ( ມະຫາຊົນ).
- 2006 - 2011 ປະທານກຳມະການບໍລິຫານ ບໍລິສັດ ເອສຊີ ແອສເສດ ກໍໂປເຣຊັນ ຈຳກັດ (ມະຫາຊົນ).
ການເຮັດວຽກທາງການເມືອງ[ດັດແກ້]
- 8 ສິງຫາ 2011 : ນາຍົກລັດຖະມົນຕີ ແຫ່ງ ຣາຊະອານາຈັກໄທ (ຄົນທີ 28).
| ກ່ອນໜ້າ | ຍິ່ງລັກ ຊິນນະວັດ | ຖັດໄປ | ||
|---|---|---|---|---|
| ອະພິສິດ ເວດຊາຊີວະ | 
|
ນາຍົກລັດຖະມົນຕີໄທ ຄົນທີ 28 (ຄ.ສ. 2011 – 2014) |
|
ປະຍຸດ ຈັນໂອຊາ |
| ສຸກຳພົນ ສຸວັນນະທັດ |
|
ລັດຖະມົນຕີວ່າການກະຊວງກະລາໂໝ ຄົນທີ 40 (ຄ.ສ. 2013 – 2014) |
|
ປະວິດ ວົງສຸວັນ |