ກວ່າງໂຈວ

ຈາກ ວິກິພີເດຍ

ເມືອງກວ່າງໂຈວຕັ້ງຢູ່ປາກນ້ຳຈູງຈຽງ(ແມ່ນ້ຳໄຂ່ມຸກ), ມີເນື້ອທີ່ປະມານ 3.718,80 ກິໂລຕາແມັດ, ມີປະຊາກອນ 10 ລ້ານກ່ວາຄົນມີປະຫວັດສາດຍາວນານມາກ່ວາ 2.800 ປີເປັນເມືອງຈຸດເລີ່ມຂອງເສັ້ນທາງສາຍໃຫມທາງທະເລຕັ້ງແຕ່ອະດີດ ແລະ ຍັງເຄີຍເປັນເມືອງທ່າເສລີແຫ່ງທຳອິດແຫ່ງດຽວທີ່ເປີດຕ້ອນຮັບຊາວຕາເວັນຕົກທີ່ ເຂົ້າມາຕິດຕໍ່ຊື້-ຂາຍ. ກວ່າງໂຈວແມ່ນຈະເປັນສູນກາງໃນການປະຕິຮູບເສດຖະກິດຍັງມີເບື້ອງຫລັງປະຫວັດສາດທີ່ຍາວນານມີສະຖານທີ່ສຳຄັນຕ່າງໆ. ປະຈຸ ບັນກວ່າງໂຈວມີບົດບາດເປັນເມືອງໃນເຂດເສດຖະກິດການຄ້າທີ່ມີຄວາມຈະເລີນຮຸ່ງເຮືອງຫລາຍທີ່ສຸດໃນພາກໃຕ້ຂອງ ສປຈີນ ແລະ ຍັງໄດ້ຮັບສະຖານະເປັນ ຫນຶ່ງໃນ 3 ເມືອງທີ່ສຳຄັນທີ່ສຸດຂອງຈີນ, ທັງເປັນເມືອງທີ່ມີຜົນຜະລິດໂດຍລວມຫລາຍທີ່ສຸດດ້ວຍ. ນອກນັ້ນຍັງມີການຄົມມະນາຄົມຂົນສົ່ງທີ່ສະດວກ, ທັນສະ ໄຫມ, ມີລະບົບລົດໄຟໃຕ້ດິນ,ຄວບຄຸມເມືອງຊັ້ນໃນທັງຫມົດລວມທັງດ້ານພູມອາກາດການດຳລົງຊີວິດຕະຫລອດຈົນຄວາມເປັນຢູ່ແມ່ນຄ້າຍກັບບ້ານເຮົາ, ນອກ ຈາກນັ້ນຊາວເມືອງກວ່າງໂຈວຍັງມີສຳນຽງພາສາປາກເວົ້ານິ້ມນວນອ່ອນຫວານແອບແຝງໄປດ້ວຍຮອຍຍິ້ມຕ້ອນຮັບແຂກບ້ານແຂກເມືອງ ຜູ້ມາຢ້ຽມຢາມອັນເປັນ ເອກະລັກສະເພາະຖິ່ນຂອງຄົນກວ່າງໂຈວເມືອງແຫ່ງສະເໜ່ດິນແດນມັງກອນທີ່ລືຊື່.